ek hi muzhda subh laatii hai
— Jaun Eliya
Ek hee muzhda sub.h laatee hai
Dhoop aangan men phail jaatee hai
Rang-e-mausam hai aur baad-e-sabaa
Shahr koochon men khaak uDaatee hai
Farsh par kaaghaz Udhte phirte hain
Mez par gard jamtee jaatee hai
Sochtaa hoon ki us kee yaad aakhir
Ab kise raat bhar jagaatee hai
Main bhee izn-e-navaa-garee chaahoon
Be-dilee bhee to lab hilaatee hai
So ga.e peD jaag uThee khushboo
Zindagee khvaab kyuun dikhaatee hai
Us saraapaa wafa kee furqat men
Khvaahish-e-ghair kyuun sataatee hai
Aap apne se ham-sukhan rahnaa
Ham-nasheen saans phuul jaatee hai
Kya sitam hai ki ab tiree soorat
Ghaur karne pe yaad aatee hai
Kaun is ghar kee dekh-bhaal kare
Roz ik chiiz Toot jaatee hai