fan paara

Ye kitaabon kee saf-ba-saf jilden Kaaghazon kaa fuzool isteema.al Raushnaa.ee kaa shaandaar israaf Seedhe seedhe se kuch siyah dhabbe Jin kee taujeeh aaj tak na huee Chand khush-zauq kam-naseebon ne Basar auqaat ke liye shaayad Ye lakeeren bikher Daalee hain Kitnee hee be-qusoor naslon ne In ko paDhne ke jurm men taa-umr Le ke kashkool-e-ilm-o-hikmat-o-fan Koo-ba-koo jaan kee bhiik maangee hai Aah ye waqt kaa azaab-e-aleem Vaqt khallaaq be-shu.oor qadeem Saaree taareefen un andheron kee Jin men partav na koi parchhaa.een Aah ye zindagee kee tanhaa.ee Sochnaa aur sochte rahnaa Chand ma.asoom paagalon kee sazaa Aaj main ne bhee soch rakkhaa hai Vaqt se intiqaam lene ko Yoonhee taa-shaam saade kaaghaz par TeDhe TeDhe khutoot kheenche jaa.en Ye kitabon ki saf-ba-saf jilden Kaghazon ka fuzul istimal Raushnai ka shandar israf Sidhe sidhe se kuch siyah dhabbe Jin ki taujih aaj tak na hui Chand KHush-zauq kam-nasibon ne Basar auqat ke liye shayad Ye lakiren bikher Dali hain Kitni hi be-qusur naslon ne In ko paDhne ke jurm mein ta-umr Le ke kashkul-e-ilm-o-hikmat-o-fan Ku-ba-ku jaan ki bhik mangi hai Aah ye waqt ka azab-e-alim Waqt KHallaq be-shuur qadim Sari tarifen un andheron ki Jin mein partaw na koi parchhain Aah ye zindagi ki tanhai Sochna aur sochte rahna Chand masum pagalon ki saza Aaj main ne bhi soch rakkha hai Waqt se intiqam lene ko Yunhi ta-sham sade kaghaz par TeDhe TeDhe KHutut khinche jaen