kaam ki baat main ne ki hi nahin

Kaam kee baat main ne kee hee naheen Ye miraa taur-e-zindagee hee naheen Ai umiid ai umeed-e-nau-maidaan Mujh se mayyat tiree uThee hee naheen Main jo thaa us galee kaa mast-e-khiraam Us galee men miree chalee hee naheen Ye sunaa hai ki mere kuuch ke ba.ad Us kee khushboo kaheen basee hee naheen Thee jo ik faakhta udaas udaas Sub.h wo shaakh se uDee hee naheen Mujh men ab meraa jee naheen lagtaa Aur sitam ye ki meraa jee hee naheen Wo jo rahtee thee dil-mohalle men Phir wo laDkee mujhe milee hee naheen Jaa.iye aur khaak uDaa.iye aap Ab wo ghar kya ki wo galee hee naheen Haa.e wo shauq jo naheen thaa kabhee Haa.e wo zindagee jo thee hee naheen