khalvat mujhe tum apnii baanhon men jakad lo aur main tum ko

Mujhe tum apnee baanhon men jakaD lo aur main tum ko Kisee bhee dil-kushaa jazbe se yaksar naa-shanaasaana Nashaat-e-rang kee sarshaaree-e-haalat se begaana Mujhe tum apnee baanhon men jakaD lo aur main tum ko Fusoon-kaaraa nigaaraa nau-bahaaraa aarzoo-aaraa Bhalaa lamhon kaa meree aur tumhaaree khvaab-parvar Aarzoo-mandee kee sarshaaree se kya rishta Hamaaree baahamee yaadon kee dildaaree se kya rishta Mujhe tum apnee baanhon men jakaD lo aur main tum ko Yahaan ab teesraa koi nahin ya.anee mohabbat bhee Mujhe tum apni banhon mein jakaD lo aur main tum ko Kisi bhi dil-kusha jazbe se yaksar na-shanasana Nashat-e-rang ki sarshaari-e-haalat se begana Mujhe tum apni banhon mein jakaD lo aur main tum ko Fusun-kara nigara nau-bahaara aarzu-ara Bhala lamhon ka meri aur tumhaari KHwab-parwar Aarzu-mandi ki sarshaari se kya rishta Hamari bahami yaadon ki dildari se kya rishta Mujhe tum apni banhon mein jakaD lo aur main tum ko Yahan ab tisra koi nahin yani mohabbat bhi