kis se izhaar e muddaaa kiije

Kis se iz.haar-e-mudda.aa kiije Aap milte naheen hain kya kiije Ho na paayaa ye faisla ab tak Aap kiije to kya kiyaa kiije Aap the jis ke chaara-gar wo javaan Sakht beemaar hai duaa kiije Ek hee fan to ham ne seekhaa hai Jis se miliye use khafaa kiije Hai taqaazaa miree tabee.at kaa Har kisee ko charaagh-paa kiije Hai to baare ye aalam-e-asbaab Be-sabab cheekhne lagaa kiije Aaj ham kya gila karen us se Gila-e-tangee-e-qabaa kiije Nutq haivaan par garaan hai abhee Guftugoo kam se kam kiyaa kiije Hazrat-e-zulf-e-ghaaliya-afshaan Naam apna sabaa sabaa kiije Zindagee kaa ajab mo.aamla hai Ek lamhe men faisla kiije Mujh ko aadat hai rooth jaane kee Aap mujh ko manaa liyaa kiije Milte rahiye isee tapaak ke saath Bevafaa.ee kee intihaa kiije Kohkan ko hai khud-kushee khvaahish Shaah-baano se iltijaa kiije Mujh se kahtee thiin wo sharaab aankhen Aap wo zahr mat piyaa kiije Rang har rang men hai daad-talab Khoon thookoon to vaah-vaa kiije