magar ye zakhm ye marham tumhaare naam tumhaare nishaan se be sarokaar

Tumhaare naam tumhaare nishaan se be-sarokaar Tumhaaree yaad ke mausam guzarte jaate hain Bas ek manzar-e-be-hijr-o-visaal hai jis men Ham apne aap hee kuch rang bharte jaate hain Na wo nashaat-e-tasavvur ki lo tum aa hee ga.e Na zakhm-e-dil kee hai sozish koi jo sahnee ho Na koi va.ada-o-paimaan kee shaam hai na sahar Na shauq kee hai koi daastaan jo kahnee ho Naheen jo mahmil-e-lailaa-e-aarzoo sar-e-raah To ab fazaa men fazaa ke sivaa kuch aur nahin Naheen jo mauj-e-sabaa men koi shameem-e-payaam To ab sabaa men sabaa ke sivaa kuch aur nahin Utaar de jo kinaare pe ham ko kashtee-e-vahm To gird-o-pesh ko girdaab hee samajhte hain Tumhaare rang mahakte hain khvaab men jab bhee To khvaab men bhee unhen khvaab hee samajhte hain Na koi zakhm na marham ki zindagee apnee Guzar rahi hai har ehsaas ko ganvaane men Magar ye zakhm ye marham bhee kam nahin shaayad Ki ham hain ek zameen par aur ik zamaane men Tumhaare nam tumhaare nishan se be-sarokar Tumhaari yaad ke mausam guzarte jate hain Bas ek manzar-e-be-hijr-o-visal hai jis mein Hum apne aap hi kuch rang bharte jate hain Na wo nashat-e-tasawwur ki lo tum aa hi gae Na zaKHm-e-dil ki hai sozish koi jo sahni ho Na koi wada-o-paiman ki sham hai na sahar Na shauq ki hai koi dastan jo kahni ho Nahin jo mahmil-e-laila-e-arzu sar-e-rah To ab faza mein faza ke siwa kuch aur nahin Nahin jo mauj-e-saba mein koi shamim-e-payam To ab saba mein saba ke siwa kuch aur nahin Utar de jo kinare pe hum ko kashti-e-wahm To gird-o-pesh ko girdab hi samajhte hain Tumhaare rang mahakte hain KHwab mein jab bhi To KHwab mein bhi unhen KHwab hi samajhte hain Na koi zaKHm na marham ki zindagi apni Guzar rahi hai har ehsas ko ganwane mein Magar ye zaKHm ye marham bhi kam nahin shayad Ki hum hain ek zamin par aur ek zamane mein