na huaa nasiib qaraar e jaan havas e qaraar bhi ab nahin

Na huaa naseeb qaraar-e-jaan havas-e-qaraar bhee ab nahin Tiraa intizaar bahut kiyaa tiraa intizaar bhee ab nahin Tujhe kya khabar mah-o-saal ne hamen kaise zakhm diye yahaan Tiree yaadgaar thee ik khalish tiree yaadgaar bhee ab nahin Na gile rahe na gumaan rahe na guzaarishen hain na guftugoo Wo nishaat-e-waada-e-vasl kya hamen aitbaar bhee ab nahin Rahe naam-e-rishta-e-raftgaan na shikaayaten hain na shokhiyaan Koi 'uzr-khvaah to ab kahaan koi uzr-daar bhee ab nahin Kise nazr den dil-o-jaan baham ki nahin wo kaakul-e-kham-ba-kham Kise har-nafas kaa hisaab den ki shameem-e-yaar bhee ab nahin Wo hujoom-e-dil-zadagaan ki tha tujhe muzhda ho ki bikhar gaya Tire aastaane kee khair ho sar-e-rah-e-ghubaar bhee ab nahin Wo jo apnee jaan se guzar ga.e unhen kya khabar hai ki shahr men Kisee jaan-nisaar kaa zikr kya koi sogvaar bhee ab nahin Nahin ab to ahl-e-junoon men bhee wo jo shauq-e-shahr men 'aam tha Wo jo rang tha kabhi koo-ba-koo sar-e-koo-e-yaar bhee ab nahin