nayaa ik rishta paidaa kyuun karen ham

Nayaa ik rishta paidaa kyuun karen ham BichhaDnaa hai to jhagDaa kyuun karen ham Khamoshee se adaa ho rasm-e-dooree Koi hangaama barpaa kyuun karen ham Ye kaafee hai ki ham dushman nahin hain Wafa-daaree kaa da.avaa kyuun karen ham Wafa ikhlaas qurbaanee mohabbat Ab in lafzon kaa peechhaa kyuun karen ham Sunaa den ismat-e-mariyam kaa qissa Par ab is baab ko vaa kyon karen ham Zulekhaa-e-azeezaan baat ye hai Bhalaa ghaaTe kaa sauda kyon karen ham Hamaaree hee tamannaa kyuun karo tum Tumhaaree hee tamannaa kyuun karen ham Kiyaa thaa ahd jab lamhon men ham ne To saaree umr iifaa kyuun karen ham UThaa kar kyon na phenken saaree cheezen Faqat kamron men Tahlaa kyon karen ham Jo ik nasl-e-faromaaya ko pahunche Wo sarmaaya ikaTThaa kyon karen ham Nahin Dunya ko jab parvaa hamaaree To phir Dunya kee parvaa kyuun karen ham Barahna hain sar-e-baazaar to kya Bhalaa andhon se parda kyon karen ham Hain baashinde usee bastee ke ham bhee So khud par bhee bharosaa kyon karen ham Chabaa len kyon na khud hee apna Dhaancha Tumhen raatib muhayyaa kyon karen ham PaDee rehne do insaanon kee laashen Zameen kaa bojh halkaa kyon karen ham Ye bastee hai musalmaanon kee bastee Yahaan kaar-e-maseehaa kyuun karen ham