qaatil

Sunaa hai tum ne apne aakhiree lamhon men samjhaa tha Ki tum meree hifaazat men ho mere baazuon men ho Sunaa hai bujhte bujhte bhee tumhaare sard o murda lab se Ek sho.ala shola-e-yaaqoot-faam o rang o ummeed-e-farogh-e-zindagee-aahang lapkaa tha Hamen khud men chhupaa liije Ye meraa wo azaab-e-jaan hai jo mujh ko Mire apne khud apne hee jahannam men jalaataa hai Tumhaaraa seena-e-seemeen Tumhaare baazoovaan-e-mar-mareen Mere liye Mujh ik havasnaak-e-faromaaya kee khaatir Saaz o saamaan-e-nashaat o nashsha-e-ishrat-fuzoonee the Mire ayyaash lamhon kee fusoon-gar pur-junoonee ke liye Sad-lazzat aageen sad-karishma pur-zabonee the Tumhen meree havas-pesha Miree saffaak qaatil bevafaa.ee kaa gumaan tak Is gumaan kaa ek vahm-e-khud gurezaan tak nahin tha Kyuun nahin tha kyuun nahin tha kyuun Koee hota koi to hota Jo mujh se miree saffaak qaatil bevafaa.ee kee sazaa men Khuun thukvaataa Mujhe har lamhe kee suulee pe laTkaataa Magar fariyaad koi bhee nahin koi Daregh uftaad koi bhee Mujhe mafroor honaa chaahiye tha Aur main saffaak-qaatil bevafaa khoon-rez-tar main Shahr men khud-vaardaatee Shahr men khud-mast aazaadaana phirtaa hoon Nigaar-e-khaak-aasooda Bahaar-e-khaak-aasooda Suna hai tum ne apne aaKHiri lamhon mein samjha tha Ki tum meri hifazat mein ho mere bazuon mein ho Suna hai bujhte bujhte bhi tumhaare sard o murda lab se Ek shoala shola-e-yaqut-fam o rang o ummid-e-farogh-e-zindagi-ahang lapka tha Hamein KHud mein chhupa lije Ye mera wo azab-e-jaan hai jo mujh ko Mere apne KHud apne hi jahannam mein jalata hai Tumhaara sina-e-simin Tumhaare bazuwan-e-mar-marin Mere liye Mujh ek hawasnak-e-faromaya ki KHatir Saz o saman-e-nashat o nashsha-e-ishrat-fuzuni the Mere ayyash lamhon ki fusun-gar pur-jununi ke liye Sad-lazzat aagin sad-karishma pur-zaboni the Tumhein meri hawas-pesha Meri saffak qatil bewafai ka guman tak Is guman ka ek wahm-e-KHud gurezan tak nahin tha Kyun nahin tha kyun nahin tha kyun Koi hota koi to hota Jo mujh se meri saffak qatil bewafai ki saza mein KHun thukwata Mujhe har lamhe ki suli pe laTkata Magar fariyaad koi bhi nahin koi Daregh uftad koi bhi Mujhe mafrur hona chahiye tha Aur main saffak-qatil bewafa KHun-rez-tar main Shahr mein KHud-wardati Shahr mein KHud-mast aazadana phirta hun Nigar-e-KHak-asuda Bahaar-e-KHak-asuda