sazaa har baar mere saamne aatii rahii ho tum

Har baar mere saamne aatee rahi ho tum Har baar tum se mil ke bichhaDtaa raha hoon main Tum kaun ho ye khud bhee nahin jaantee ho tum Main kaun hoon ye khud bhee nahin jaantaa hoon main Tum mujh ko jaan kar hee paDee ho azaab men Aur is tarah khud apnee sazaa ban gaya hoon main Tum jis zameen par ho main us kaa khuda nahin Pas sar-ba-sar aziyyat o aazaar hee raho Bezaar ho ga.ee ho bahut zindagee se tum Jab bas men kuch nahin hai to bezaar hee raho Tum ko yahaan ke saaya o partav se kya gharaz Tum apne haq men biich kee deevaar hee raho Main ibtidaa-e-ishq se be-mehr hee raha Tum intihaa-e-ishq kaa me.aar hee raho Tum Khoon thooktee ho ye sun kar khushee huee Is rang is adaa men bhee purkaar hee raho Main ne ye kab kahaa tha mohabbat men hai najaat Main ne ye kab kahaa tha vafaadaar hee raho Apnee mataa-e-naaz luTaa kar mire liye Baazaar-e-iltifaat men naadaar hee raho Jab main tumhen nashaat-e-mohabbat na de sakaa Gham men kabhi sukoon-e-rifaaqat na de sakaa Jab mere sab charaagh-e-tamannaa havaa ke hain Jab mere saare khvaab kisee bevafaa ke hain Phir mujh ko chaahne kaa tumhen koi haq nahin Tanhaa karaahne kaa tumhen koi haq nahin Har bar mere samne aati rahi ho tum Har bar tum se mil ke bichhaDta raha hun main Tum kaun ho ye KHud bhi nahin jaanti ho tum Main kaun hun ye KHud bhi nahin jaanta hun main Tum mujh ko jaan kar hi paDi ho azab mein Aur is tarah KHud apni saza ban gaya hun main Tum jis zamin par ho main us ka KHuda nahin Pas sar-ba-sar aziyyat o aazar hi raho Bezar ho gai ho bahut zindagi se tum Jab bas mein kuch nahin hai to bezar hi raho Tum ko yahan ke saya o partaw se kya gharaz Tum apne haq mein bich ki diwar hi raho Main ibtida-e-ishq se be-mehr hi raha Tum intiha-e-ishq ka mear hi raho Tum KHun thukti ho ye sun kar KHushi hui Is rang is ada mein bhi purkar hi raho Main ne ye kab kaha tha mohabbat mein hai najat Main ne ye kab kaha tha wafadar hi raho Apni mata-e-naz luTa kar mere liye Bazar-e-iltifat mein nadar hi raho Jab main tumhein nashat-e-mohabbat na de saka Gham mein kabhi sukun-e-rifaqat na de saka Jab mere sab charagh-e-tamanna hawa ke hain Jab mere sare KHwab kisi bewafa ke hain Phir mujh ko chahne ka tumhein koi haq nahin Tanha karahne ka tumhein koi haq nahin