shaayad main shaayad tum ko yaksar bhuulne vaalaa hoon

Main shaayad tum ko yaksar bhoolne vaalaa hoon Shaayad jaan-e-jaan shaayad Ki ab tum mujh ko pahle se ziyaada yaad aatee ho Hai dil ghamgeen bahut ghamgeen Ki ab tum yaad dildaaraana aatee ho Shameem-e-door-maanda ho Bahut ranjeeda ho mujh se Magar phir bhee Mashaam-e-jaan men mere aashtee-mandaana aatee ho Judaa.ee men balaa kaa iltifaat-e-mehramaana hai Qayaamat kee khabar-geeree hai Behad naaz-bardaaree kaa aalam hai Tumhaare rang mujh men aur gahre hote jaate hain Main Dartaa hoon Mire ehsaas ke is khvaab kaa anjaam kya hogaa Ye mere andaroon-e-zaat ke taaraaj-gar Jazbon ke bairee waqt kee saazish na ho koi Tumhaare is tarah har lamha yaad aane se Dil sahmaa huaa saa hai To phir tum kam hee yaad aao Mataa-e-dil mataa-e-jaan to phir tum kam hee yaad aao Bahut kuch bah gaya hai sail-e-maah-o-saal men ab tak Sabhee kuch to na bah jaa.e Ki mere paas rah bhee kya gaya hai Kuchh to rah jaa.e Main shayad tum ko yaksar bhulne wala hun Shayad jaan-e-jaan shayad Ki ab tum mujh ko pahle se ziyaada yaad aati ho Hai dil ghamgin bahut ghamgin Ki ab tum yaad dildarana aati ho Shamim-e-dur-manda ho Bahut ranjida ho mujh se Magar phir bhi Masham-e-jaan mein mere aashti-mandana aati ho Judai mein bala ka iltifat-e-mehramana hai Qayamat ki KHabar-giri hai Behad naz-bardari ka aalam hai Tumhaare rang mujh mein aur gahre hote jate hain Main Darta hun Mere ehsas ke is KHwab ka anjam kya hoga Ye mere andarun-e-zat ke taraj-gar Jazbon ke bairi waqt ki sazish na ho koi Tumhaare is tarah har lamha yaad aane se Dil sahma hua sa hai To phir tum kam hi yaad aao Mata-e-dil mata-e-jaan to phir tum kam hi yaad aao Bahut kuch bah gaya hai sail-e-mah-o-sal mein ab tak Sabhi kuch to na bah jae Ki mere pas rah bhi kya gaya hai Kuchh to rah jae