tum haqiiqat nahin ho hasrat ho
— Jaun Eliya
Tum haqeeqat nahin ho hasrat ho
Jo mile khvaab men wo daulat ho
Main tumhaare hee dam se zinda hoon
Mar hee jaaon jo tum se fursat ho
Tum ho khushboo ke khvaab kee khushboo
Aur utnee hee be-muravvat ho
Tum ho pahloo men par qaraar nahin
Ya.anee aisa hai jaise furqat ho
Tum ho Angdhaai rang-o-nik.hat kee
Kaise Angdhaai se shikaayat ho
Kis tarah chhoD duun tumhen jaanaan
Tum miree zindagee kee aadat ho
Kis liye dekhtee ho aa.eena
Tum to khud se bhee khoob-soorat ho
Daastaan khatm hone vaalee hai
Tum miree aakhree mohabbat ho