umr guzregii imtihaan men kya

Umr guzregee imtihaan men kya Daagh hee denge mujh ko daan men kya Meree har baat be-asar hee rahee Nuqs hai Kuch mire bayaan men kya Mujh ko to koee Toktaa bhee naheen Yahee hota hai khaandaan men kya Apnee mahroomiyaan chhupaate hain Ham ghareebon kee aan-baan men kya Khud ko jaanaa judaa zamaane se Aa gaya thaa mire gumaan men kya Shaam hee se dukaan-e-deed hai band Naheen nuqsaan tak dukaan men kya Ai mire sub.h-o-shaam-e-dil kee shafaq Too nahaatee hai ab bhee baan men kya Bolte kyuun naheen mire haq men Aable paD ga.e zabaan men kya Khaamushee kah rahee hai kaan men kya Aa raha hai mire gumaan men kya Dil ki aate hain jis ko dhyaan bahut Khud bhee aataa hai apne dhyaan men kya Wo mile to ye poochhnaa hai mujhe Ab bhee hoon main tiree amaan men kya Yuun jo taktaa hai aasmaan ko too Koee rahtaa hai aasmaan men kya Hai naseem-e-bahaar gard-aalood Khaak uDtee hai us makaan men kya Ye mujhe chain kyuun naheen paDtaa Ek hee shakhs thaa jahaan men kya