us ke pahluu se lag ke chalte hain
— Jaun Eliya
Us ke pahloo se lag ke chalte hain
Ham kaheen Taalne se Talte hain
Band hai mai-kadon ke darvaaze
Ham to bas yoonhee chal nikalte hain
Main usee tarah to bahaltaa hoon
Aur sab jis tarah bahalte hain
Wo hai jaan ab har ek mahfil kee
Ham bhee ab ghar se kam nikalte hain
Kya takalluf karen ye kahne men
Jo bhee khush hai ham us se jalte hain
Hai use duur kaa safar dar-pesh
Ham sambhaale nahin sambhalte hain
Shaam furqat kee lahlahaa uTThee
Wo havaa hai ki zakhm bharte hain
Hai ajab faisle kaa sahraa bhee
Chal na paDiye to paanv jalte hain
Ho raha hoon main kis tarah barbaad
Dekhne vaale haath malte hain
Tum bano rang tum bano khushboo
Ham to apne sukhan men Dhalte hain