zabt kar ke hansii ko bhuul gaya

Zabt kar ke hansee ko bhuul gaya Main to us zakhm hee ko bhuul gaya Zaat-dar-zaat ham-safar rah kar Ajnabee ajnabee ko bhuul gaya Sub.h tak vaj.h-e-jaan-kanee thee jo baat Main use shaam hee ko bhuul gaya Ahd-e-vaabastagee guzaar ke main Vaj.h-e-vaabastagee ko bhuul gaya Sab daleelen to mujh ko yaad raheen Bahs kya thee usee ko bhuul gaya Kyuun na ho naaz is zehaanat par Ek main har kisee ko bhuul gaya Sab se pur-amn vaaqi.a ye hai Aadmee aadmee ko bhuul gaya Qahqaha maarte hee deevaana Har gham-e-zindagee ko bhuul gaya Khvaab-haa-khvaab jis ko chaahaa thaa Rang-haa-rang usee ko bhuul gaya Kya qayaamat huee agar ik shakhs Apnee khush-qismatee ko bhuul gaya Soch kar us kee khalvat-anjumanee Vaan main apnee kamee ko bhuul gaya Sab bure mujh ko yaad rahte hain Jo bhalaa thaa usee ko bhuul gaya Un se va.ada to kar liyaa lekin Apnee kam-fursatee ko bhuul gaya Bastiyo ab to raasta de do Ab to main us galee ko bhuul gaya Us ne goyaa mujhee ko yaad rakhaa Main bhee goyaa usee ko bhuul gaya Ya.anee tum wo ho vaaqa.ee? had hai Main to sach-much sabhee ko bhuul gaya Aakhiree but khuda na kyuun Thahre But-shikan but-garee ko bhuul gaya Ab to har baat yaad rahtee hai Ghaaliban main kisee ko bhuul gaya Us kee khushiyon se jalne vaalaa 'jaun' Apnee eezaa-dahee ko bhuul gaya