ba zaahir kya hai jo haasil nahin hai

Ba-zaahir kya hai jo haasil naheen hai Magar ye to miree manzil naheen hai Ye tuuda ret kaa hai beach Dariya Ye bah jaa.egaa ye saahil naheen hai Bahut aasaan hai pahchaan us kee Agar dukhtaa naheen to dil naheen hai Musaafir wo ajab hai kaarvaan men Ki jo hamraah hai shaamil naheen hai Bas ik maqtool hee maqtool kab hai Bas ik qaatil hee to qaatil naheen hai Kabhee to raat ko tum raat kah do Ye kaam itnaa bhee ab mushkil naheen hai