dil kaa har dard kho gaya jaise
— Javed Akhtar
Dil kaa har dard kho gaya jaise
Main to patthar kaa ho gaya jaise
Daagh baaqee nahin ki naqsh kahoon
Koi deevaar dho gaya jaise
Jaagtaa zehn gham kee dhoop men thaa
Chaaon paate hee so gaya jaise
Dekhne vaalaa thaa kal us kaa tapaak
Phir se wo ghair ho gaya jaise
Kuch bichhaDne ke bhee tareeqe hain
Khair jaane do jo gaya jaise