dil men mahak rahe hain kisi aarzoo ke phuul
— Javed Akhtar
Dil men mahak rahe hain kisee aarzoo ke phuul
Palkon pe khilne vaale hain shaayad lahoo ke phuul
Ab tak hai koi baat mujhe yaad harf harf
Ab tak main chun raha hoon kisee guftugoo ke phuul
Kaliyaan chaTak rahi thiin ki awaaz thee koi
Ab tak samaa.aton men hain ik khush-guloo ke phuul
Mere lahoo kaa rang hai har nok-e-khaar par
Sahraa men har taraf hain miree justujoo ke phuul
Deevaane kal jo log the phoolon ke ishq men
Ab un ke daamanon men bhare hain rafoo ke phuul