dukh ke jangal men phirte hain kab se maare maare log
— Javed Akhtar
Dukh ke jangal men phirte hain kab se maare maare log
Jo hota hai sah lete hain kaise hain bechaare log
Jeevan jeevan ham ne jag men khel yahee hote dekhaa
Dheere dheere jiitee Dunya dheere dheere haare log
Vaqt singhaasan par baiThaa hai apne raag sunaataa hai
Sangat dene ko paate hain saanson ke uktaare log
Nekee ik din kaam aatee hai ham ko kya samjhaate ho
Ham ne be-bas marte dekhe kaise pyaare pyaare log
Is nagree men kyuun miltee hai roTee sapnon ke badle
Jin kee nagree hai wo jaanen ham Thahre banjaare log