gam hote hain jahaan zehaanat hotii hai
— Javed Akhtar
Gham hote hain jahaan zehaanat hotee hai
Dunya men har shai kee qeemat hotee hai
Aksar wo kahte hain wo bas mere hain
Aksar kyuun kahte hain hairat hotee hai
Tab ham donon vaqt churaa kar laate the
Ab milte hain jab bhee fursat hotee hai
Apnee mahbooba men apnee maan dekhen
Bin maan ke laDkon kee fitrat hotee hai
Ik kashtee men ek qadam hee rakhte hain
Kuch logon kee aisee 'aadat hotee hai