misaal is ki kahaan hai koi zamaane men

Misaal is kee kahaan hai koee zamaane men Ki saare khone ke gham paa.e ham ne paane men Wo shakl pighlee to har shai men Dhal ga.ee jaise Ajiib baat huee hai use bhulaane men Jo muntazir na milaa wo to ham hain sharminda Ki ham ne der lagaa dee palaT ke aane men Lateef thaa wo takhayyul se khvaab se naazuk Ganvaa diyaa use ham ne hee aazmaane men Samajh liyaa thaa kabhee ik saraab ko Dariya Par ik sukoon thaa ham ko fareb khaane men Jhukaa darakht havaa se to aandhiyon ne kahaa Ziyaada farq naheen jhukne Toot jaane men