pyaas ki kaise laae taab koi
— Javed Akhtar
Pyaas kee kaise laa.e taab koi
Nahin Dariya to ho saraab koi
Zakhm-e-dil men jahaan mahaktaa hai
Isee kyaaree men thaa gulaab koi
Raat bajtee thee duur shahnaa.ee
Royaa pee kar bahut sharaab koi
Dil ko ghere hain rozgaar ke gham
Raddee men kho ga.ee kitaab koi
Kaun saa zakhm kis ne bakhshaa hai
Is kaa rakkhe kahaan hisaab koi
Phir main sunne lagaa hoon is dil kee
Aane vaalaa hai phir azaab koi
Shab kee dahleez par shafaq hai lahoo
Phir huaa qatl aaftaab koi