tamannaa phir machal jaae agar tum milne aa jaao

Tamannaa phir machal jaa.e agar tum milne aa jaao Ye mausam bhee badal jaa.e agar tum milne aa jaao Mujhe gham hai ki main ne zindagee men Kuch nahin paayaa Ye gham dil se nikal jaa.e agar tum milne aa jaao Ye Dunya-bhar ke jhagDe ghar ke qisse kaam kee baaten Balaa har ek Tal jaa.e agar tum milne aa jaao Nahin milte ho mujh se tum to sab hamdard hain mere Zamaana mujh se jal jaa.e agar tum milne aa jaao