yahii haalaat ibtidaa se rahe
— Javed Akhtar
Yahee haalaat ibtidaa se rahe
Log ham se khafaa khafaa se rahe
In charaaghon men tel hee kam thaa
Kyuun gila ham ko phir havaa se rahe
Bahs shatranj sher mauseeqee
Tum naheen the to ye dilaase rahe
Zindagee kee sharaab maangte ho
Ham ko dekho ki pee ke pyaase rahe
Us ke bandon ko dekh kar kahiye
Ham ko ummeed kya khuda se rahe