yaqiin kaa agar koi bhi silsila nahin raha

Yaqeen kaa agar koi bhee silsila nahin raha To shukr keejiye ki ab koi gilaa nahin raha Na hijr hai na vasl hai ab is ko koi kya kahe Ki phuul shaakh par to hai magar khilaa nahin raha Khazaana tum na paa.e to ghareeb jaise ho ga.e Palak pe ab koi bhee motee jhilmilaa nahin raha Badal ga.ee hai zindagee badal ga.e hain log bhee Khuloos kaa jo thaa kabhi wo ab silaa nahin raha Jo dushmanee bakheel se huee to itnee khair hai Ki zahr us ke paas hai magar pilaa nahin raha Lahoo men jazb ho sakaa na ilm to ye haal hai Koi savaal zehn ko jo de jalaa nahin raha