ye tasallii hai ki hain naashaad sab

Ye tasallee hai ki hain naashaad sab Main akelaa hee nahin barbaad sab Sab kee khaatir hain yahaan sab ajnabee Aur kahne ko hain ghar aabaad sab Bhuul ke sab ranjishen sab ek hain Main bataa.oon sab ko hogaa yaad sab Sab ko da.avaa-e-wafa sab ko yaqeen Is adaakaaree men hain ustaad sab Shahr ke haakim kaa ye farmaan hai Qaid men kahlaa.enge aazaad sab Chaar lafzon men kaho jo bhee kaho Us ko kab fursat sune fariyaad sab Talkhiyaan kaise na hoon ash.aar men Ham pe jo guzree hamen hai yaad sab