allaah agar taufiiq na de insaan ke bas kaa kaam nahin

Allaah agar taufeeq na de insaan ke bas kaa kaam naheen Faizaan-e-mohabbat aam sahee irfaan-e-mohabbat aam naheen Ye too ne kahaa kya ai naadaan fayyaazee-e-qudrat aam naheen Too fikr o nazar to paidaa kar kya chiiz hai jo in.aam naheen Yaa-rab ye maqaam-e-ishq hai kya go deeda-o-dil naakaam naheen Taskeen hai aur taskeen naheen aaraam hai aur aaraam naheen Kyuun mast-e-sharaab-e-aish-o-tarab takleef-e-tavajjoh farmaa.en Awaaz-e-shikast-e-dil hee to hai awaaz-e-shikast-e-jaam naheen Aanaa hai jo bazm-e-jaanaan men pindaar-e-khudee ko toD ke aa Ai hosh-o-khirad ke deevaane yaan hosh-o-khirad kaa kaam naheen Zaahid ne Kuch is andaaz se pee saaqee kee nigaahen paDne lageen Mai-kash yahee ab tak samjhe the shaa.ista daur-e-jaam naheen Ishq aur gavaaraa khud kar le be-shart shikast-e-faash apnee Dil kee bhee Kuch un ke saazish hai tanhaa ye nazar kaa kaam naheen Sab jis ko aseeree kahte hain wo to hai ameeree hee lekin Wo kaun see aazaadee hai yahaan jo aap khud apna daam naheen