daastaan e gam e dil un ko sunaaii na gaii

Daastaan-e-gham-e-dil un ko sunaa.ee na ga.ee Baat bigDee thee Kuch aisee ki banaa.ee na ga.ee Sab ko ham bhuul ga.e josh-e-junoon men lekin Ik tiree yaad thee aisee jo bhulaa.ee na ga.ee Ishq par Kuch na chalaa deeda-e-tar kaa qaaboo Us ne jo aag lagaa dee wo bujhaa.ee na ga.ee PaD gaya husn-e-rukh-e-yaar kaa partav jis par Khaak men mil ke bhee is dil kee safaa.ee na ga.ee Kya uThaa.egee sabaa khaak miree us dar se Ye qayaamat to khud un se bhee uThaa.ee na ga.ee