dil ko sukuun ruuh ko aaraam aa gaya

Dil ko sukoon ruuh ko aaraam aa gaya Maut aa ga.ee ki dost kaa paighaam aa gaya Jab koi zikr-e-gardish-e-ayyaam aa gaya Be-ikhtiyaar lab pe tiraa naam aa gaya Gham men bhee hai suroor wo hangaam aa gaya Shaayad ki daur-e-baada-e-gulfaam aa gaya Deevaangee ho aql ho ummeed ho ki yaas Apna vahee hai vaqt pe jo kaam aa gaya Dil ke muaamlaat men naaseh shikast kya Sau baar husn par bhee ye ilzaam aa gaya Sayyaad shaadmaan hai magar ye to soch le Main aa gaya ki saaya tah-e-daam aa gaya Dil ko na poochh maarka-e-husn-o-ishq men Kya jaaniye ghareeb kahaan kaam aa gaya Ye kya maqaam-e-ishq hai zaalim ki in dinon Aksar tire baghair bhee aaraam aa gaya Ahbaab mujh se qat-e-ta.alluq karen 'jigar' Ab aaftaab-e-zeest lab-e-baam aa gaya