ham ko mitaa sake ye zamaane men dam nahin

Ham ko miTaa sake ye zamaane men dam naheen Ham se zamaana khud hai zamaane se ham naheen Be-faa.eda alam naheen be-kaar gham naheen Taufeeq de khuda to ye nemat bhee kam naheen Meree zabaan pe shikva-e-ahl-e-sitam naheen Mujh ko jagaa diyaa yahee ehsaan kam naheen Yaa rab hujoom-e-dard ko de aur vus.aten Daaman to kya abhee miree aankhen bhee nam naheen Shikva to ek chheD hai lekin haqeeqatan Teraa sitam bhee teree inaayat se kam naheen Ab ishq us maqaam pe hai justujoo-navard Saaya naheen jahaan koee naqsh-e-qadam naheen Miltaa hai kyuun maza sitam-e-rozgaar men Teraa karam bhee khud jo shareek-e-sitam naheen Marg-e-'jigar' pe kyuun tiree aankhen hain ashk-rez Ik saaneha sahee magar itnaa aham naheen