is ishq ke haathon se hargiz na mafar dekhaa

Is 'ishq ke haathon se hargiz na mafar dekhaa Utnee hee baDhee hasrat jitnaa hee udhar dekhaa Thaa khel saa pahle 'ishq lekin jo khuleen aankhen Duubaa huaa rag rag men wo teer-e-nazar dekhaa Sab ho ga.ee uTh uTh kar ik baaz nisaar sham' Parvaanon ne kya jaane kya vaqt-e-sahar dekhaa Wo ashk bharee aankhen aur dard bhare naale Allaah na dikhlaa.e jo vaqt-e-sahar dekhaa Qurbaan tiree aankhon ke sadqe taree nazron ke Thaa haasil-e-sad-naavak jo zakhm-e-jigar dekhaa Jaate rahe dam-bhar men saare hee gile shikve Us jaan-e-taghaaful ne jab ek nazar dekhaa Ahd-e-gham-e-furqat men dil aur jigar kaise Ik zakhm idhar paayaa ik daagh udhar dekhaa Thaa baa.is-e-rusvaa.ee har-chand junoon meraa Un ko bhee na chain aayaa jab tak na idhar dekhaa Is chashm-e-ghazaalen ko mai-khaana-e-dil paayaa Us roo-e-nigaareen ko firdaus-e-nazar dekhaa Yuun dil ko taDapne kaa Kuch to hai sabab aakhir Yaa dard ne karvaT lee yaa tum ne idhar dekhaa Kya jaaniye kya guzree hangaam-e-junoon lekin Kuch hosh ho aayaa to ujDaa huaa ghar dekhaa Maathe pe paseenaa kyuun aankhon men namee kaisee Kuch khair to hee tum ne kya haal-e-jigar dekhaa