jehl e khirad ne din ye dikhaae

Jehl-e-khirad ne din ye dikhaa.e GhaT ga.e insaan baDh ga.e saa.e Haa.e wo kyoonkar dil bahlaa.e Gham bhee jis ko raas na aa.e Zid par ishq agar aa jaa.e Paanee chhiDke aag lagaa.e Dil pe Kuch aisa vaqt paDaa hai Bhaage lekin raah na paa.e Kaisaa majaaz aur kaisee haqeeqat Apne hee jalve apne hee saa.e JhooTee hai har ek masarrat Ruuh agar taskeen na paa.e Kaar-e-zamaana jitnaa jitnaa Bantaa jaa.e bigaDtaa jaa.e Zabt-e-mohabbat shart-e-mohabbat Jee hai ki zaalim umDaa aa.e Husn vahee hai husn jo zaalim Haath lagaa.e haath na aa.e Naghma vahee hai naghma ki jis ko Ruuh sune aur ruuh sunaa.e Raah-e-junoon aasaan huee hai Zulf o mizha ke saa.e saa.e