jo tuufaanon men palte jaa rahe hain
— Jigar Moradabadi
Jo toofaanon men palte jaa rahe hain
Vahee Dunya badalte jaa rahe hain
Nikhartaa aa raha hai rang-e-gulshan
Khas o khaashaak jalte jaa rahe hain
Vaheen main khaak uDtee dekhtaa hoon
Jahaan chashme ubalte jaa rahe hain
Charaagh-e-dair-o-kaaba allaah allaah
Havaa kee zid pe jalte jaa rahe hain
Shabaab o husn men bahas aa paDee hai
Na.e pahloo nikalte jaa rahe hain