kasrat men bhi vahdat kaa tamaashaa nazar aayaa

Kasrat men bhee vahdat kaa tamaashaa nazar aayaa Jis rang men dekhaa tujhe yaktaa nazar aayaa Jab us rukh-e-pur-noor kaa jalva nazar aayaa Ka.aba nazar aayaa na kaleesaa nazar aayaa Ye husn ye shokhee ye karishma ye adaa.en Dunya nazar aa.ee mujhe to kya nazar aayaa Ik sarkhushi-e-ishq hai ik be-khudee-e-shauq Aankhon ko khuda jaane miree kya nazar aayaa Jab dekh na sakte the to Dariya bhee thaa qatra Jab aankh khulee qatra bhee Dariya nazar aayaa Qurbaan tiree shaan-e-inaayat ke dil o jaan Is kam-nigahee par mujhe kya kya nazar aayaa Har rang tire rang men Duubaa huaa niklaa Har naqsh tiraa naqsh-e-kaf-e-paa nazar aayaa Aankhon ne dikhaa dee jo tire gham kee haqeeqat Aalam mujhe sara tah-o-baalaa nazar aayaa Har jalve ko dekhaa tire jalvon se munavvar Har bazm men too anjuman-aaraa nazar aayaa