kiyaa taajjub ki mirii ruuh e ravaan tak pahunche

Kya ta'ajjub ki miree rooh-e-ravaan tak pahunche Pahle koee mire naghmon kee zabaan tak pahunche Jab har ik shorish-e-gham zabt-e-fughaan tak pahunche Phir khuda jaane ye hangaama kahaan tak pahunche Aankh tak dil se na aa.e na zabaan tak pahunche Baat jis kee hai usee aafat-e-jaan tak pahunche Too jahaan par thaa bahut pahle vaheen aaj bhee hai Dekh rindaan-e-khush-anfaas kahaan tak pahunche Jo zamaane ko buraa kahte hain khud hain wo bure Kaash ye baat tire gosh-e-giraan tak pahunche BaDh ke rindon ne qadam hazrat-e-vaa'iz ke liye Girte paDte jo dar-e-peer-e-mughaan tak pahunche Too mire haal-e-pareshaan pe bahut tanz na kar Apne gesoo bhee zaraa dekh kahaan tak pahunche Un kaa jo farz hai wo ahl-e-siyaasat jaanen Meraa paighaam mohabbat hai jahaan tak pahunche 'ishq kee choT dikhaane men kaheen aatee hai Kuch ishaare the ki jo lafz-o-bayaan tak pahunche Jalve betaab the jo parda-e-fitrat men 'jigar' Khud taDap kar miree chashm-e-nigaraan tak pahunche