kya baraabar kaa mohabbat men asar hota hai
— Jigar Moradabadi
Kya baraabar kaa mohabbat men asar hota hai
Dil idhar hota hai zaalim na udhar hota hai
Ham ne kya Kuch na kiyaa deeda-e-dil kee khaatir
Log kahte hain duaaon men asar hota hai
Dil to yuun dil se milaayaa ki na rakkhaa meraa
Ab nazar ke liye kya hukm-e-nazar hota hai
Main gunahgaar-e-junoon main ne ye maanaa lekin
Kuch udhar se bhee taqaazaa-e-nazar hota hai
Kaun dekhe use betaab-e-mohabbat ai dil
Too wo naale hee na kar jin men asar hota hai