shab e firaaq hai aur niind aaii jaatii hai

Shab-e-firaaq hai aur niind aa.ee jaatee hai Kuch is men un kee tavajjoh bhee paa.ee jaatee hai Ye umr-e-ishq yoonhee kya ganvaa.ee jaatee hai Hayaat zinda haqeeqat banaa.ee jaatee hai Banaa banaa ke jo Dunya miTaa.ee jaatee hai Zaroor koee kamee hai ki paa.ee jaatee hai Hameen pe ishq kee tohmat lagaa.ee jaatee hai Magar ye sharm jo chehre pe chhaa.ee jaatee hai Khuda kare ki haqeeqat men zindagee ban jaa.e Wo zindagee jo zabaan tak hee paa.ee jaatee hai Gunaahgaar ke dil se na bach ke chal zaahid Yaheen kaheen tiree jannat bhee paa.ee jaatee hai Na soz-e-ishq na barq-e-jamaal par ilzaam Dilon men aag khushee se lagaa.ee jaatee hai Kuch aise bhee to hain rindaan-e-paak-baaz 'jigar' Ki jin ko be-mai-o-saaghar pilaa.ee jaatee hai