sharmaa gae lajaa gae daaman chhudaa gae

Sharmaa ga.e lajaa ga.e daaman chhuDaa ga.e Ai ishq marhabaa wo yahaan tak to aa ga.e Dil par hazaar tarah ke auhaam chhaa ga.e Ye tum ne kya kiyaa miree Dunya men aa ga.e Sab Kuch luTaa ke raah-e-mohabbat men ahl-e-dil Khush hain ki jaise daulat-e-kaunain paa ga.e Sehn-e-chaman ko apnee bahaaron pe naaz thaa Wo aa ga.e to saaree bahaaron pe chhaa ga.e Aql o junoon men sab kee thiin raahen judaa judaa Hir-phir ke lekin ek hee manzil pe aa ga.e Ab kya karoon main fitrat-e-naakaam-e-ishq ko Jitne the haadsaat mujhe raas aa ga.e