tabiiat in dinon begaana e gam hotii jaatii hai

Tabee'at in dinon begaana-e-gham hotee jaatee hai Mire hisse kee goyaa har khushee kam hotee jaatee hai Sahar hone ko hai bedaar shabnam hotee jaatee hai Khushee minjumla-o-asbaab-e-maatam hotee jaatee hai Qayaamat kya ye ai husn-e-do-'aalam hotee jaatee hai Ki mahfil to vahee hai dil-kashee kam hotee jaatee hai Vahee mai-khaana-o-sahbaa vahee saaghar vahee sheesha Magar awaaz-e-noshaa-nosh maddham hotee jaatee hai Vahee hain shaahid-o-saaqee magar dil bujhtaa jaataa hai Vahee hai sham' lekin raushnee kam hotee jaatee hai Vahee shorish hai lekin jaise mauj-e-tah-nasheen koee Vahee dil hai magar awaaz maddham hotee jaatee hai Vahee hai zindagee lekin 'jigar' ye haal hai apna Ki jaise zindagee se zindagee kam hotee jaatee hai