tasviir o tasavvur

Wo kab ke aa.e bhee aur ga.e bhee nazar men ab tak samaa rahe hain Ye chal rahe hain, wo phir rahe hain, ye aa rahe hain wo jaa rahe hain Vahee qayaamat hai qadd-e-baalaa vahee hai soorat, vahee saraapaa Labon ko jumbish, nigah ko larzish, khaDe hain aur muskuraa rahe hain Vahee lataafat, vahee nazaakat, vahee tabassum, vahee tarannum Main naqsh-e-hirmaan banaa huaa tha wo naqsh-e-hairat banaa rahe hain Khiraam rangeen, nizaam rangeen, kalaam rangeen, payaam rangeen Qadam qadam par, ravish ravish par na.e na.e gul khilaa rahe hain Shabaab rangeen, jamaal rangeen, wo sar se paa tak tamaam rangeen Tamaam rangeen bane hue hain, tamaam rangeen banaa rahe hain Tamaam ra.anaa.iyon ke maz.har, tamaam rangeeniyon ke manzar Sambhal sambhal kar simaT simaT kar sab ek markaz par aa rahe hain Bahaar-e-rang-o-shabaab hee kya sitaara o maahtaab hee kya Tamaam hastee jhukee huee hai, jidhar wo nazren jhukaa rahe hain Tuyoor sarshaar-e-saaghar-e-mul halaak-e-tanveer-e-laala-o-gul Sab apnee apnee dhunon men mil kar ajab ajab giit gaa rahe hain Sharaab aa.ankhon se Dhal rahi hai, nazar se mastee ubal rahi hai Chhalak rahi hai uchhal rahi hai, piye hue hain pilaa rahe hain Khud apne nashshe men jhoomte hain, wo apna munh aap choomte hain Kharaab-e-mastee bane hue hain, halaak-e-mastee banaa rahe hain Fazaa se nashsha baras raha hai, dimaagh phoolon men bas raha hai Vo kaun hai jo taras raha hai? sabhee ko mai-kash pilaa rahe hain Zameen nashsha, zamaan nashsha, jahaan nashsha, makaan nashsha Makaan kya? laa-makaan nashsha, Dubo rahe hain pilaa rahe hain Vo roo-e-rangeen o mauja-e-yam ki jaise daamaan-e-gul pe shabnam Ye garmee-e-husn kaa hai aalam, araq araq men nahaa rahe hain Ye mast bulbul bahak rahe hain, qareeb-e-aariz chahak rahe hai Gulon kee chhaatee dhaDak rahi hai, wo dast-e-rangeen baDhaa rahe hain Ye mauj-o-Dariya, ye reg-o-sahraa ye ghuncha-o-gul, ye maah-o-anjum Zaraa jo wo muskuraa diye hain wo sab ke sab muskuraa rahe hain Fazaa ye naghmon se bhar ga.ee hai ki mauj-e-Dariya Thahar ga.ee hai Sukoot-e-naghma banaa huaa hai, wo jaise kuch gungunaa rahe hain Ab aage jo kuch bhee ho muqaddar, rahegaa lekin ye naqsh dil par Ham un kaa daaman pakaD rahe hain, wo apna daaman chhuDaa rahe hain Ye ashk jo bah rahe hain paiham, agarche sab hain ye haasil-e-gham Magar ye ma.aloom ho raha hai, ki ye bhee kuch muskuraa rahe hain Zaraa jo dam bhar ko aankh jhapkee, ye dekhtaa hoon na.ee tajallee Tilism soorat miTaa rahe hain, jamaal ma.anee banaa rahe hain Khushee se labrez shash-jihat hai, zabaan par shor-e-tahniyat hai Ye waqt wo hai 'jigar' ke dil ko wo apne dil se milaa rahe hain Wo kab ke aae bhi aur gae bhi nazar mein ab tak sama rahe hain Ye chal rahe hain, wo phir rahe hain, ye aa rahe hain wo ja rahe hain Wahi qayamat hai qadd-e-baala wahi hai surat, wahi sarapa Labon ko jumbish, nigah ko larzish, khaDe hain aur muskura rahe hain Wahi latafat, wahi nazakat, wahi tabassum, wahi tarannum Main naqsh-e-hirman bana hua tha wo naqsh-e-hairat bana rahe hain KHiram rangin, nizam rangin, kalam rangin, payam rangin Qadam qadam par, rawish rawish par nae nae gul khila rahe hain Shabab rangin, jamal rangin, wo sar se pa tak tamam rangin Tamam rangin bane hue hain, tamam rangin bana rahe hain Tamam ranaiyon ke mazhar, tamam ranginiyon ke manzar Sambhal sambhal kar simaT simaT kar sab ek markaz par aa rahe hain Bahaar-e-rang-o-shabab hi kya sitara o mahtab hi kya Tamam hasti jhuki hui hai, jidhar wo nazren jhuka rahe hain Tuyur sarshaar-e-saghar-e-mul halak-e-tanwir-e-lala-o-gul Sab apni apni dhunon mein mil kar ajab ajab git ga rahe hain Sharab aaankhon se Dhal rahi hai, nazar se masti ubal rahi hai Chhalak rahi hai uchhal rahi hai, piye hue hain pila rahe hain KHud apne nashshe mein jhumte hain, wo apna munh aap chumte hain KHarab-e-masti bane hue hain, halak-e-masti bana rahe hain Faza se nashsha baras raha hai, dimagh phulon mein bas raha hai Wo kaun hai jo taras raha hai? sabhi ko mai-kash pila rahe hain Zamin nashsha, zaman nashsha, jahan nashsha, makan nashsha Makan kya? la-makan nashsha, Dubo rahe hain pila rahe hain Wo ru-e-rangin o mauja-e-yam ki jaise daman-e-gul pe shabnam Ye garmi-e-husn ka hai aalam, araq araq mein naha rahe hain Ye mast bulbul bahak rahe hain, qarib-e-ariz chahak rahe hai Gulon ki chhati dhaDak rahi hai, wo dast-e-rangin baDha rahe hain Ye mauj-o-dariya, ye reg-o-sahra ye ghuncha-o-gul, ye mah-o-anjum Zara jo wo muskura diye hain wo sab ke sab muskura rahe hain Faza ye naghmon se bhar gai hai ki mauj-e-dariya Thahar gai hai Sukut-e-naghma bana hua hai, wo jaise kuch gunguna rahe hain Ab aage jo kuch bhi ho muqaddar, rahega lekin ye naqsh dil par Hum un ka daman pakaD rahe hain, wo apna daman chhuDa rahe hain Ye ashk jo bah rahe hain paiham, agarche sab hain ye hasil-e-gham Magar ye malum ho raha hai, ki ye bhi kuch muskura rahe hain Zara jo dam bhar ko aankh jhapki, ye dekhta hun nai tajalli Tilism surat miTa rahe hain, jamal mani bana rahe hain KHushi se labrez shash-jihat hai, zaban par shor-e-tahniyat hai Ye waqt wo hai 'jigar' ke dil ko wo apne dil se mila rahe hain