tujhii se ibtidaa hai tuu hi ik din intihaa hogaa

Tujhee se ibtidaa hai too hee ik din intihaa hogaa Sadaa-e-saaz hogee aur na saaz-e-be-sadaa hogaa Hamen ma.aloom hai ham se suno mahshar men kya hogaa Sab us ko dekhte honge wo ham ko dekhtaa hogaa Sar-e-mahshar ham aise aasiyon kaa aur kya hogaa Dar-e-jannat na vaa hogaa dar-e-rahmat to vaa hogaa Jahannam ho ki jannat jo bhee hogaa faisla hogaa Ye kya kam hai hamaaraa aur un kaa saamnaa hogaa Azal ho yaa abad donon aseer-e-zulf-e-hazrat hain Jidhar nazren uThaaoge yahee ik silsilaa hogaa Ye nisbat ishq kee be-rang laa.e rah naheen saktee Jo mahboob-e-khuda kaa hai wo mahboob-e-khuda hogaa Isee ummeed par ham taalibaan-e-dard jiite hain Khoshaa dard de ki teraa aur dard-e-laa-davaa hogaa Nigaah-e-qahr par bhee jaan-o-dil sab kho.e baiThaa hai Nigaah-e-mehr aashiq par agar hogee to kya hogaa Siyaanaa bhej degaa ham ko mahshar se jahannam men Magar jo dil pe guzregee wo dil hee jaantaa hogaa Samajhtaa kya hai too deevaangaan-e-ishq ko zaahid Ye ho jaa.enge jis jaanib usee jaanib khuda hogaa 'jigar' kaa haath hogaa hashr men aur daaman-e-hazrat Shikaayat ho ki shikva jo bhee hogaa barmalaa hogaa