wo adaa e dilbarii ho ki navaa e aashiqaana

Wo adaa-e-dilbaree ho ki navaa-e-aashiqaana Jo dilon ko fat.h kar le vahee faateh-e-zamaana Kabhi husn kee tabee.at na badal sakaa zamaana Vahee naaz-e-be-niyaazee vahee shaan-e-khusravaana Ye tiraa jamaal-e-kaamil ye shabaab kaa zamaana Dil-e-dushmanaan salaamat dil-e-dostaan nishaana Ye falak ye maah-o-anjum ye zameen ye zamaana Tire husn kee hikaayat mire ishq kaa fasaana Ye hai ishq kee karaamat ye kamaal-e-shaa.iraana Abhee munh se baat niklee abhee ho ga.ee fasaana Ye miraa payaam kahnaa too sabaa muaddabaana Ki guzar gaya hai pyaare tujhe dekhe ik zamaana Mujhe chaak-e-jeb-o-daaman se nahin munaasibat Kuch Ye junoon hee ko mubaarak rah-o-rasm-e-aamiyaana Tujhe haadsaat-e-paiham se bhee kya milegaa naadaan Tiraa dil agar ho zinda to nafas bhee taaziyaana Main hoon us maqaam par ab ki firaaq o vasl kaise Miraa ishq bhee kahaanee tiraa husn bhee fasaana Miree zindagee to guzree tire hijr ke sahaare Miree maut ko bhee pyaare koi chaahiye bahaana Tire ishq kee karaamat ye agar nahin to kya hai Kabhi be-adab na guzraa mire paas se zamaana Tiree duuree o huzooree kaa ye hai ajiib aalam Abhee zindagee haqeeqat abhee zindagee fasaana Mire ham-safeer bulbul miraa teraa saath hee kya Main zameer-e-dasht-o-Dariya too aseer-e-aashiyaana Main wo saaf hee na kah duun jo hai farq mujh men tujh men Tiraa dard dard-e-tanhaa miraa gham gham-e-zamaana Tire dil ke TooTne par hai kisee ko naaz kya kya Tujhe ai 'jigar' mubaarak ye shikast-e-faatehaana