wo jo ruuthen yuun manaanaa chaahiye
— Jigar Moradabadi
Wo jo rooThen yuun manaanaa chaahiye
Zindagee se rooth jaanaa chaahiye
Himmat-e-qaatil baDhaanaa chaahiye
Zer-e-khanjar muskuraanaa chaahiye
Zindagee hai naam johd o jang kaa
Maut kya hai bhuul jaanaa chaahiye
Hai inheen dhokon se dil kee zindagee
Jo haseen dhokaa ho khaanaa chaahiye
Lazzaten hain dushman-e-auj-e-kamaal
Kulfaton se jee lagaanaa chaahiye
Un se milne ko to kya kahiye 'jigar'
Khud se milne ko zamaanaa chaahiye