yaad

Aa.ee jab un kee yaad to aatee chalee ga.ee Har naqsh-e-maa-sivaa ko miTaatee chalee ga.ee Har manzar-e-jamaal dikhaatee chalee ga.ee Jaise unheen ko saamne laatee chalee ga.ee Har vaaqi.a qareeb-tar aataa chalaa gaya Har shai haseen-tar nazar aatee chalee ga.ee Veeraana-e-hayaat ke ek ek goshe men Jogan koi sitaar bajaatee chalee ga.ee Dil phunk raha tha aatish-e-zabt-e-firaaq se Deepak ko mai-gusaar banaatee chalee ga.ee Be-harf o be-hikaayat o be-saaz o be-sadaa Rag rag men naghma ban ke samaatee chalee ga.ee Jitnaa hee kuch sukoon saa aataa chalaa gaya Utnaa hee be-qaraar banaatee chalee ga.ee Kaifiyyaton ko hosh saa aataa chalaa gaya Be-kaifiyon ko niind see aatee chalee ga.ee Kyaa kya na husn-e-yaar se shikve the ishq ko Kyaa kya na sharmsaar banaatee chalee ga.ee Tafreeq-e-husn-o-ishq kaa jhagDaa nahin raha Tam.eez-e-qurb-o-buad miTaatee chalee ga.ee Main tishna-kaam-e-shauq tha piitaa chalaa gaya Vo mast ankhDiyon se pilaatee chalee ga.ee Ik husn-e-be-jihat kee fazaa-e-baseet men UDtee ga.ee mujhe bhee uDaatee chalee ga.ee Phir main hoon aur ishq kee betaabiyaan 'jigar' Achchhaa huaa wo niind kee maatee chalee ga.ee Aai jab un ki yaad to aati chali gai Har naqsh-e-ma-siwa ko miTati chali gai Har manzar-e-jamal dikhati chali gai Jaise unhin ko samne lati chali gai Har waqia qarib-tar aata chala gaya Har shai hasin-tar nazar aati chali gai Virana-e-hayat ke ek ek goshe mein Jogan koi sitar bajati chali gai Dil phunk raha tha aatish-e-zabt-e-firaq se Dipak ko mai-gusar banati chali gai Be-harf o be-hikayat o be-saz o be-sada Rag rag mein naghma ban ke samati chali gai Jitna hi kuch sukun sa aata chala gaya Utna hi be-qarar banati chali gai Kaifiyyaton ko hosh sa aata chala gaya Be-kaifiyon ko nind si aati chali gai Kya kya na husn-e-yar se shikwe the ishq ko Kya kya na sharmsar banati chali gai Tafriq-e-husn-o-ishq ka jhagDa nahin raha Tamiz-e-qurb-o-buad miTati chali gai Main tishna-kaam-e-shauq tha pita chala gaya Wo mast ankhDiyon se pilati chali gai Ek husn-e-be-jihat ki faza-e-basit mein UDti gai mujhe bhi uDati chali gai Phir main hun aur ishq ki betabiyan 'jigar' Achchha hua wo nind ki mati chali gai