yaadash ba khair jab wo tasavvur men aa gaya

Yaadash-ba-khair jab wo tasavvur men aa gaya Sher o shabaab o husn kaa Dariya bahaa gaya Jab ishq apne markaz-e-aslee pe aa gaya Khud ban gaya haseen do aalam pe chhaa gaya Jo dil kaa raaz thaa use Kuch dil hee paa gaya Wo kar sake bayaan na hameen se kahaa gaya Naaseh fasaana apna hansee men uDaa gaya Khush-fikr thaa ki saaf ye pahloo bachaa gaya Apna zamaana aap banaate hain ahl-e-dil Ham wo naheen ki jin ko zamaana banaa gaya Dil ban gaya nigaah nigah ban ga.ee zabaan Aaj ik sukoot-e-shauq qayaamat hee Dhaa gaya Meraa kamaal-e-sher bas itnaa hai ai 'jigar' Wo mujh pe chhaa ga.e main zamaane pe chhaa gaya