ye hai mai kada yahaan rind hain yahaan sab kaa saaqii imaam hai

Ye hai mai-kada yahaan rind hain yahaan sab kaa saaqee imaam hai Ye haram naheen hai ai shaikh jee yahaan paarsaa.ee haraam hai Jo zaraa see pee ke bahak gaya use mai-kade se nikaal do Yahaan tang-nazar kaa guzar naheen yahaan ahl-e-zarf kaa kaam hai Koee mast hai koee tishna-lab to kisee ke haath men jaam hai Magar is pe koee kare bhee kya ye to mai-kade kaa nizaam hai Ye janaab-e-shaikh kaa falsafa hai 'ajeeb saare jahaan se Jo vahaan piyo to halaal hai jo yahaan piyo to haraam hai Tujhe apne husn kaa vaasta mere shauq-e-deed pa rahm khaa Zaraa muskuraa ke naqaab uThaa ki nazar ko shauq-e-salaam hai Na sunnaa to huur o qusoor kee ye hikaayaten mujhe vaa'izaa Koee baat kar dar-e-yaar kee dar-e-yaar hee se to kaam hai Na to e'tikaaf se Kuch gharaz na savaab-o-zuhd se vaasta Tiree diid aisee namaaz hai na sujood hai na qayaam hai Ye durust ki 'aib hai mai-kashee ye ba-jaa ki baada haraam hai Magar ab savaal ye aa paDaa ki tumhaare haath men jaam hai Jo uThee to sub.h-e-davaam thee jo jhukee to shaam hee shaam thee Tiree chashm-e-mast men saaqiyaa miree zindagee kaa nizaam hai Miraa farz hai ki paDaa rahoon tiree baargaah men saaqiyaa Koee tishna-lab hai ki sair hai yahee dekhnaa tiraa kaam hai Isee kaa.enaat men ai 'jigar' koee inqalaab uThegaa phir Ki buland ho ke bhee aadmee abhee khvaahishon kaa ghulaam hai