aa fasl e gul hai garq e tamannaa tire liye

Aa fasl-e-gul hai gharq-e-tamannaa tire liye Duubaa huaa hai rang men sahraa tire liye Saahil pe sarv-e-naaz ko de zahmat-e-khiraam Bal khaa raha hai khaak pe Dariya tire liye Eefaa-e-ahd kar ki hai muddat se be-qaraar Rooh-e-wafa-e-waada-e-fardaa tire liye Shaanon pe ab to kaakul-e-shab-rang khol de Bikhree huee hai zulf-e-tamannaa tire liye UTh chashm-e-jaavedaana-e-saaghar-farosh uTh Machlee huee hai larzish-e-sahbaa tire liye Ai aaftaab-e-jalva-e-jaanaan buland ho Khoyaa huaa hai matla-e-Dunya tire liye Mauj-e-shameem-e-sumbul-o-raihaan ke darmiyaan Vaa hai musaahibat kaa dareechaa tire liye Aa aur daad de ki ba.iin chahsm-e-haq-nigar Khaa.e hue hoon ziist kaa dhokaa tire liye Sabze kaa farsh abr kaa khema gulon kaa itr Gulshan men ehtimaam hai kya kya tire liye Tughyaan-e-gul shabaab pe bulbul kharosh men Ik hashr saa hai baagh men barpaa tire liye 'josh' aur nang-e-khidmat-e-sultaan o paas-e-hosh Ye bhee kiye hue hai gavaaraa tire liye