ab kya karoon

Chhaa ga.ee barsaat kee pahlee ghaTaa ab kya karoon Khauf tha jis kaa wo aa pahunchee balaa ab kya karoon Hijr ko bahlaa chalee thee garm mausam kee sumoom Naa-gahaan chalne lagee ThanDee havaa ab kya karoon Aankh uThee hee thee ki abr-e-laala-goon kee Chaaon men Dard se kahne lagaa kuch jhuTpuTaa ab kya karoon Ashk abhee thamne na paa.e the ki bedardee ke saath Boondiyon se bostaan bajne lagaa ab kya karoon Zakhm ab bharne na paa.e the ki baadal charkh par Aa gaya angDaa.iyaan letaa huaa ab kya karoon Aa chukee thee niind see gham ko ki mausam naa-gahaan Bahr-o-bar men karvaTen lene lagaa ab kya karoon Charkh kee be-rangiyon se sust thee raftaar-e-gham Yak-ba-yak har zarra gulshan ban gaya ab kya karoon Qufl-e-baab-e-shauq thiin maahaul kee khaamoshiyaan Daf.atan kaafir papeehaa bol uThaa ab kya karoon Hijr kaa siine men kuch kam ho chalaa tha pech-o-taab Baal bikhraane lagee kaalee ghaTaa ab kya karoon Aankh jhapkaane lagee thee dil men yaad-e-lahn-e-yaad Mor kee aane lagee ban se sadaa ab kya karoon GhaT chalaa tha gham kee rangeen badliyon kee aaD se Un kaa chehra saamne aane lagaa ab kya karoon Aa rahi hain abr se un kee sadaa.en 'josh' 'josh' Ai khuda ab kya karoon baar-e-khuda ab kya karoon Chha gai barsat ki pahli ghaTa ab kya karun KHauf tha jis ka wo aa pahunchi bala ab kya karun Hijr ko bahla chali thi garm mausam ki sumum Na-gahan chalne lagi ThanDi hawa ab kya karun Aankh uThi hi thi ki abr-e-lala-gun ki chhanw mein Dard se kahne laga kuch jhuTpuTa ab kya karun Ashk abhi thamne na pae the ki bedardi ke sath Bundiyon se bostan bajne laga ab kya karun ZaKHm ab bharne na pae the ki baadal charKH par Aa gaya angDaiyan leta hua ab kya karun Aa chuki thi nind si gham ko ki mausam na-gahan Bahr-o-bar mein karwaTen lene laga ab kya karun CharKH ki be-rangiyon se sust thi raftar-e-gham Yak-ba-yak har zarra gulshan ban gaya ab kya karun Qufl-e-bab-e-shauq thin mahaul ki KHamoshiyan Dafatan kafir papiha bol uTha ab kya karun Hijr ka sine mein kuch kam ho chala tha pech-o-tab Baal bikhrane lagi kali ghaTa ab kya karun Aankh jhapkane lagi thi dil mein yaad-e-lahn-e-yaad Mor ki aane lagi ban se sada ab kya karun GhaT chala tha gham ki rangin badliyon ki aaD se Un ka chehra samne aane laga ab kya karun Aa rahi hain abr se un ki sadaen 'josh' 'josh' Ai KHuda ab kya karun bar-e-KHuda ab kya karun