aish ki jaanib jo maail Kuch tabiiat ho gaii
— Josh Malihabadi
Aish kee jaanib jo maa.il Kuch tabee.at ho ga.ee
Dil pe ghussa aa gaya apne se nafrat ho ga.ee
Mujh ko khud apnee tabaahee par taras aataa nahin
Khoogar-e-gham is qadar ab to tabee.at ho ga.ee
Aa.ee jab stage par Dunya to dil khush ho gaya
Jab uThaa anjaam kaa parda to nafrat ho ga.ee
Aa ga.iin jumbish men tasleem-o-razaa kee quvvaten
Lab mile hee the pa.e shikva ki aafat ho ga.ee
Istilaah-e-bandagee men ruuh hain taaron kee 'josh'
Chand zarre jin se peshaanee kee zeenat ho ga.ee