albelii subh

Nazar jhukaa.e uroos-e-fitrat jabeen se zulfen haTaa rahi hai Sahar kaa taaraa hai zalzale men ufuq kee lau thartharaa rahi hai Ravish ravish naghma-e-tarab hai chaman chaman jashn-e-rang-o-boo hai Tuyoor shaakhon pe hain ghazal-khvaan kalee kalee gungunaa rahi hai Sitaara-e-sub.h kee raseelee jhapaktee aankhon men hain fasaane Nigaar-e-mahtaab kee nasheelee nigaah jaadoo jagaa rahi hai Tuyoor bazm-e-sahar ke mutrib lachaktee shaakhon pe gaa rahe hain Naseem firdaus kee sahelee gulon ko jhoolaa jhulaa rahi hai Kalee pe bele kee kis adaa se paDaa hai shabnam kaa ek motee Naheen ye hiire kee kiil pahne koi paree muskuraa rahi hai Sahar ko madd-e-nazar hain kitnee ri.aayten chashm-e-khoon-fishaan kee Havaa bayaabaan se aane vaalee lahoo men surkhee baDhaa rahi hai Shalookaa pahne hue gulaabee har ik subuk pankhuDee chaman men Rangee huee surkh oDhnee kaa havaa men palloo sukhaa rahi hai Falak pe is tarah chhup rahe hain hilaal ke gird-o-pesh taare Ki jaise koi na.ee navelee jabeen se afshaan chhuDaa rahi hai KhaTak ye kyuun dil men ho chalee phir chaTaktee kaliyo? zaraa Thaharnaa Havaa-e-gulshan kee narm ro men ye kisee kee awaaz aa rahi hai? Nazar jhukae urus-e-fitrat jabin se zulfen haTa rahi hai Sahar ka tara hai zalzale mein ufuq ki lau tharthara rahi hai Rawish rawish naghma-e-tarab hai chaman chaman jashn-e-rang-o-bu hai Tuyur shaKHon pe hain ghazal-KHwan kali kali gunguna rahi hai Sitara-e-subh ki rasili jhapakti aankhon mein hain fasane Nigar-e-mahtab ki nashili nigah jadu jaga rahi hai Tuyur bazm-e-sahar ke mutrib lachakti shaKHon pe ga rahe hain Nasim firdaus ki saheli gulon ko jhula jhula rahi hai Kali pe bele ki kis ada se paDa hai shabnam ka ek moti Nahin ye hire ki kil pahne koi pari muskura rahi hai Sahar ko madd-e-nazar hain kitni riayten chashm-e-KHun-fishan ki Hawa bayaban se aane wali lahu mein surKHi baDha rahi hai Shaluka pahne hue gulabi har ek subuk pankhuDi chaman mein Rangi hui surKH oDhni ka hawa mein pallu sukha rahi hai Falak pe is tarah chhup rahe hain hilal ke gird-o-pesh tare Ki jaise koi nai naweli jabin se afshan chhuDa rahi hai KhaTak ye kyun dil mein ho chali phir chaTakti kaliyo? zara Thaharna Hawa-e-gulshan ki narm ro mein ye kisi ki aawaz aa rahi hai?